الاسم: احرار كفرالدوار 
الرئيس والحشيش النووي
منئراتي بينئر في دماغي وبيئولي أصحي من الغيبوبه اللي أنتا عيش فيها ,فلئتني فوئت لا مؤاخذه علي الموضوع النووي اللي الريس بيتكلم عنه بصراحه الموضوع شدني من قميصي وطير مني الحجرين اللي كنت بعمل بيهم دماغ دماغ البرج اللي فوق صتوحنا ,معقوله ببساطه كده حنخش النادي النووي اكننا داخلين النادي الاهلي اصل الريس والشهاده لله راجل دماغ مش أي دماغ ,الناس كبرات البلد دول عالم دمغه مش زينا يعني الواحد مننا لما يكون أيم الصبح وداخل علي موضوع مهم لازم يعمل أصطباحه متفهمنيش غلط يعني ياكل تمام ويظبط نفسه وبعدين يسيب نفسه خالص تلاقي نفسك لو داخل علي كمين تعدي في المتين بتلائي نفسك طاير وكل حاجه خفيفه ولطيفه كل ده من شويه دخانه واهي نفعانه امال الكبار دول الدمغه السحابه السوده جتلهم منين يا خفيف بالتأكيد من الدماغ الجامده والصهرات العليوي وموضوع النووي ده عايز مجموعه علمه وعوالم علشان يظبطوا ويدرسوا الموضوع ويوزنوه كويس , بس لحد دلوقتي كل مبص فوق في عنوان المقال أستغرب اه اللي دخل الحشيش في النووي يمكن حيعملوا قمبله الحشيش النوويه والله فكره بدل مكانوا يضربوا العراق وتخرج مقاومه هيه قمبله حشيش وحتلاقي الناس فرحانه ومهيسه وأنا بصراحه كنت شامم الريحه دي من زمان أصل أنا في الموضوع ده بالزات اشمها وهيه طيره واقدر أميز بين الليبي والمغربي, معلش و أضح أني بهيس اصلي منمتش كويس .المهم خلينا في الموضوع النووي طبعا كلكم عرفين ان الحشيش في كل مكان صحرا أن كان او دكان طرب تلاقي فرش تلاقي ودبابيس والعيشه هيص بيص تلاقي علي القهوه كل صمف ولون أشي مرشدين علي مخبرين علي شباب حلو علي بنات مطئطئين يعني في ثانيه بدل مانتا عايش في مايه البطيخ دماغك تروح المريخ يعني الموضوع معموله تجارب علي الشعب من زمان وكل الناس وافقت وبصمت وشدت علي اديكم في الموضوعه ده دول باصمين بالعشره لان الساده بيفرق عن المحشي واحنا كده بدل ما نجيب يورانيوم وتيتانيم ونلم علينا الدبان ونهيج الامريكان والبردعي بتاع زمان يبقي زيتنا في ويادار مدخلك شر, المهم أن أحنا في موسم جمع الرز نستغل الفرصه ونحرق القش وأحنا بنعمل التجارب وحتبقي ودن من طين ومناخير من عجين ويبقي عندنا أكتفاء زاتي ونوفر العمله الصعبه وبالمره حنخدر الصحرا وننفذ مشروع تشكي ونبقي كمان أضينا علي الصداع بتاع الطلبه والسياسه والكياسه والناس تركب نفاسه والشعب والله حيبقي مهيس علشان خاطر سياده الريس والمشروع النووي وكل نووي وأنتم طيبين ومتظبطين
كتبها احرار كفرالدوار في 06:28 مساءً ::
عندك حق فى حكايه الريس والحشيش ده حتى مناخيرة خدت استيل قعر الكوبايه من الشد
مفيش اربعه
ادم