الشحن فضي أشحن كرت بعشره جنيه لا مفيش شحن الشحن هنا مجاني أغلق المحمول أوفتح قلبك وأشحن أيمان طول شهر رمضان يكفيك طول السنه مثلا لو مبتصليش تلتين يوم في خمس صلاوات غير التراويح والتهجد والنوافل كلها تعليم في تعليم بعد الشهر مش حتسيب فرد لو بتقراء القرأن طول الشهر مش حتسيبه بعد رمضان رمضان شهر لو أعديت نفسك فيه كويس وبعدت عن المسلسلات والخيابات وبديته واحده واحده ربنا حيكرمك تعرف أنا كنت دايما أبتدي رمضان بمجهود جامد من أول يوم والثاني والثالث لحد ملاقي نفسي بتعب وتقل عزيمتي فقمت بعمل العكس أبتدي واحده واحده وأعلي الرتم بتاعي مع الايام وأكون متابع بعض البرامج الاسلاميه المتيزه فقط مثل برامج الاستاذ عمرو خالد تجد نفسك في البرامج دي بتاخد دفعه معنويه متميزه أنتي عايز ده علشان كل يوم عزيمتك تقوي ويمر بيك شهر رمضان وأنتي في أحسن حال وربنا يكرمك ولو لك أمنيه في ختام رمضان ربنا حيحئئهالك بس ممكن مش بعد رمضان ممكن في خلال العام بس أهم شيء تكون متأكد أنك أتميت الشهر الكريم علي أحسن حال مفيش تأخير في صلاه ولا قرأت قرأن وأخطاء أرتكبتها أثناء الصوم تؤثر عليه لو كل شيء تمام حتجد نفسك شاعر أنك في أخر الشهر سعيد سعاده لا توصف أكنك في ثانويه عامه ونجحت بس أنتي هنا في جامعه العبادات تخرجت عبد تقي صالح من الساعين للجنه كل سنه بتعمل دبلومه تقربك شويه من الجنه وتقربك شويه من ربنا المهم هنا أن أحنا في كل عام حينما يأتي رمضان شهر الخير لابد وأن تقم بشحن قلبك وكل جوارحك للعام كله لكي يكن معك رصيد لمشاكل الحياه وبلاويها ممكن تموت في أي لحظه وممعكش رصيد حتعمل أيه لازم تعد نفسك وتأسس نفسك برصيد من الحسنات لجبال السيئات اللي بترتكبها طول العام ويمكن لو شحنت قلبك كويس ربنا يحميك طول العام ويكون عامك كله رمضان عمل صالح وغفران